தமிழக வெற்றிக் கழகத்தின் தலைவர் விஜய் பிரச்சாரக் களத்தில் நேரடியாக காணாமல் போன நிலையில், கட்சியினர் வாக்காளர்களை சென்றடைய புதுமையான வழிகளை கையாண்டு வருகின்றனர். சினிமா துறையில் பயன்படுத்தப்படும் டூப் நடிகர்கள் முதல் நவீன ஹாலோகிராம் தொழில்நுட்பம் வரை பல்வேறு தந்திரங்களை பிரச்சாரத்தில் பயன்படுத்தி வருகிறது கட்சி. விஜய் நேரடியாக கூட்டங்களில் பங்கேற்காத நிலையில், அவரது ஹாலோகிராம் மூலமாக பல்வேறு பகுதிகளில் ஒரே நேரத்தில் உரையாற்ற முடிந்துள்ளது. இந்த தொழில்நுட்பம் கட்சியின் செலவுகளை குறைப்பதோடு, அதிக இடங்களில் ஒரே நேரத்தில் பிரச்சாரம் செய்வதற்கும் உதவி செய்துள்ளது. அரசியல் ஆய்வாளர்கள் இந்த வித்தியாசமான பிரச்சார முறையை 'சமாளிப்பு அரசியல்' என்று வர்ணித்துள்ளனர். தலைவர் இல்லாத நிலையிலும் கட்சியின் பிரச்சாரம் தொடர்ந்து கொண்டிருப்பதை வைத்து, அடுத்த தேர்தலில் தவெகவின் செயல்பாடுகள் எவ்வாறு அமையும் என்பதை கவனித்து வருகின்றனர் அரசியல் நோக்கர்கள்.