மத்திய கிழக்கில் தொடரும் அமெரிக்கா-இஸ்ரேல்-ஈரான் மோதலின் தாக்கம் உலக எண்ணெய் வர்த்தகத்தில் கடுமையான பாதிப்பை ஏற்படுத்தியுள்ளது. பாரசீக வளைகுடாவின் முக்கியமான ஹர்முஸ் நீரிணை வழியாக கப்பல் போக்குவரத்து 90 சதவிகிதம் வரை குறைந்துள்ளது என்று கப்பல் போக்குவரத்து அதிகாரிகள் தெரிவித்துள்ளனர். பொதுவாக ஒரு நாளில் 150 முதல் 200 கப்பல்கள் இந்த நீரிணை வழியாக கடந்து செல்லும். ஆனால் கடந்த 24 மணி நேரத்தில் வெறும் 15 கப்பல்கள் மட்டுமே இந்த பாதையை பயன்படுத்தியுள்ளன. இது உலகின் 20 சதவிகித எண்ணெய் ஏற்றுமதியை பாதிக்கும் என்று எண்ணெய் நிபுணர்கள் எச்சரிக்கின்றனர். கப்பல் நிறுவனங்கள் பாதுகாப்பு கவலைகள் காரணமாக மாற்று வழிகளை தேடி வருகின்றன. இதனால் எண்ணெய் விலை சர்வதேச சந்தையில் கடுமையாக உயர்ந்துள்ளது. உலக பொருளாதாரத்தில் இந்த நெருக்கடி நீண்டகால பாதிப்பை ஏற்படுத்தும் என்று பொருளாதார வல்லுநர்கள் கவலை தெரிவித்துள்ளனர்.